投資得機-2009大市前景預測

蒙受黃德几(金利豐證券研究部董事)邀請於網上電視Omlive直播節目【投資得機】內預測牛年經濟動向，更於節目內首次發表「骰易股市預測術」準確預測2 0 0 9年多國出現水災造成經濟損失，金價及油價上升，結果油價由4 6美元上漲至每桶7 2 . 6 8美元( 2 0 0 9 - 0 6 - 1 2 )，金價由8 7 6美元升穿 1 0 0 0美元大關。( 2 0 0 9 - 0 2 - 2 0 )

2009年1月1日Omlive投資得機訪問對話

D : 黃德基

K : 鄭勤龍

D: 可唔可以想請你占卜一下2009年的經濟大環境?

K: 可以。結果搖得“風水渙”。“風”代表上半年，“水”代表下半年。“風”係代表消息，意味住上半年的股市比較沉悶，大家冇乜方向，直至消息出現。

D: 哦！上半年冇乜方向, 上上落落, 等下消息喇。

K: “坎”代表水，亦代表下半年，有啲唔好喎。可能係消息抄兩抄就無力，個市就會跌番。不過好彩，“風水渙”代表渙散。大家覺得2008年係咪好既一年呢?

D: 緊係唔好。

K: 唔好既野渙散佢，整散佢你話好唔好呢。“坎”係水，“巽”係木，水生木，所以應期係水旺既時候，即係冬天，大約十月十一月。

D: 你對宏觀經濟有咩想補充?

K: 己丑年，即牛年，己丑都係土，代表土好重。兩個土即係田，要耕田。代表今年大家要縛緊褲頭，開始時要忍一忍，默默耕耘，冬天就有收成，即先苦後甜。

丑內藏巳癸辛，有水係入面，強土生金，辛金係手飾金，有人生佢即有人鍾意佢有人要佢，代表金價會上升，會造好。金又生水，水代表石油，所以除金價之餘油價亦都會上升。

另外兩邊都係土，土剋水，水來土掩。水代表北方，加上兩個土，應該位於較北方且面積範圍較大的國家會有水災。